Amasyalıdır. Kibâr-ı a’zâdan ve sâdât-ı kirâmdan es-Seyyid Muhyiddîn Mehmed Ferferî mahdûmu ve “Akbilek” demekle meşhûr Molla Bahşî Halife’nin kerîmezâdesidir. Pederinden ve Fâzıl Cum’a Efendi’den ikmâl-i tahsîl edib ders-i âm ve tûl-i müddet Hakâla’da Kâsım Bey Medresesi müderrisi oldu.
Ba’dehû kazâya rızâ verip hayli bilâd-ı mühimmeye kadı olarak iştihâr etdi. 981’de Torumtay Medresesiyle ihtiyâr-ı tekâüd ederek bir kaç yıl sonra vefât etdi. Kibâr-ı ulemâ ve kudâtdan idi. Birâderi Derviş Mehmed Çelebi’dir.