Amasyalıdır. Ulemâ ve meşâyihden “Çelebi Halife” demekle meşhûr Cemâleddîn Mehmed Efendi ahfâdından Çelebizâde Cemâleddîn Mehmed Efendi mahdûmudur. Ulemâdan tahsîl-i ulûm edib bir müddet Torumtay buk’ası şeyhi oldu.
Sonra bu buk’a aslı üzere medrese itibâr edilerek ders-i âm Mehmed Efendi’ye tevcîh edildiğine canı sıkıldı. Mumâ-ileyh ile imtihân edilmesini talep etdi. Dursunzâde imtihânında ehliyet ve liyakâtını tebeyyün etdiğinden 1031’de Torumtay [165] müderrisi oldu.
Bir müddet de ders-i âm olup Torumtay Câmi-i şerîfinde ders okuttu. 1046’da Sadr-ı a’zam Bayram Paşa’nın Amasya’ya vürûdunda ba’zı kasabâta kadı olup 1051 hudûdunda vefât etdi. Kudât arasında “Şeyh Şemseddîn Efendi” demekle meşhûr bir âlim-i mebrûr idi.