Amasyalıdır. Meşâhîr-i ulemâdan İbrîzâde Abdurrahman Efendi bin Muhyiddîn Mehmed Çelebi mahdûmudur. Pederinden ve Amasya ulemâsından tahsîl-i ulûm ederek Amasya vâlisi Şehzâde Sultân Ahmed’in dâire-i devletine intisâb edib divân-ı zümre-i kitâbete iltihâk etdi. [179]
918’de Şehzâde’nin irtihâlinde Amasya vâlisi Şâdî Paşa’ya intisâb edib bir müddet sonra kâtib-i divânı ve bunun irtihâlinde İstanbul’a gidip defterdâr-ı şıkk-ı evvel Amasyalı İskender Çelebi’ye intisâb ederek Konya defterdârı oldu.
941’de İskender Çelebi’nin şehâdetinde azledilip 943’de Sivas defterdârı oldu. 945’de Şehzâde Sultân Mustafa’nın Amasya vâlisi olarak vürûdunda defterdârı olup Amasya’ya geldi. 951’de vefât etdi. Ulemâ ve şuarâdan olup tab’an zarîf ve edîb idi. Müşkilât ile bulduğum bir gazeli Acı Musluk harîkinde yandı.