Amasyalıdır. Ümerâdan Halil Bey bin Kemâleddîn Ahmed Paşa’nın [178] mahdûmu ve Şeyhülislam Kemâl Paşazâde Şemseddîn Ahmed Efendi’nin amcazâdesidir. Sultân Bâyezîd-i Sânî Amasya’da vâlî iken dâire-i hümâyûna girip hüsn-i terbiye gördü.
Ba’dehû şehzâdeliğinde Sultân Selim Hân’ın lalası olarak 896’da beraber Trabzon’a gitdi. 918’de Sultân-ı müşârün-ileyhin taht-ı saltanâta cülûsunda silahdâr-ı şehriyârî olup nüfûz ve ikbâli kemâle erdi.
Ancak amcazâdesinin Anadolu sadâretinden azli vak’asında silahdârlıkdan afv edilip İstanbul’a Sultân Bâyezîd-i Sânî evkâfına mütevellî ve mütekâid olduğu halde 932’de vefât etdi. Gâyet müeddeb, kerîm, müdebbir idi. Mahdûmu Lütfûllah Bey de ümerâdandır.