Amasyalıdır. Sâdât-ı kirâm-ı Hüseyniyye’den es-Seyyid Ali Çelebi oğludur. Tahsîl-i maârif ederek emsâli arasında temâyüz etdiğinden Amasya Nakîbü’l-eşrâf kâim makâmı oldu. Ahî Receb Mahallesi’nde ikâmet ve tûl-i müddet Amasya’da nikâbet eylediğinden pek ziyâde iştihâr ederek 980 sâlinden biraz sonra vefât etdi. Arîk, halûk, hânedân bir zât idi. Ahî Receb Mahallesi bir müddet “Nakîb Mahallesi” demekle iştihâr etmişdi.