Amasyalıdır. Es-Seyyid el-Hâc Ahmed Bey bin es-Seyyid el-Hâc Süleyman Bey’in mahdûmu ve es-Seyyid Ömer Kâşif Paşa’nın birâderzâdesidir. Amcasının nezdinde ta’lîm u terbiyye görüp [410] yeniçeriliğin ilgâsında açılan ilk nizâm ocağına girerek asker oldu.
1243’de yüzbaşı, 1248’de binbaşı olup 1253’de açılan mekteb-i askerîde ta’lîmât u nizâmât-ı askeriyeyi öğrendi. 1255’de yâver-i harb olduğu hâlde Nizib muhârebesine gidip avdette mîrâlây ve 1266’da mîrlivâ ve Topçu kumandanı oldu.
1269’da İstanbul merkezinde bulunan hâssa ordusu erkân-ı harbiye re’isi olup altı yıl bu riyâsette kaldı. 1275’de vefât etdi. Meşâhîr-i ümerâ-yı askeriyyeden idi.