Amasyalıdır. Esbak Amasya müftüsü iken 1191’de vefât eden Kâmil İsmâ’îl Efendi bin el-Hâc Âkif Mustafa Efendi bin Iydî Bayram Efendi’nin mahdûmu ve evkâf-ı hümâyûn müfetdişi es-Seyyid Abdürrahîm ve ser-levha-i kudât es-Seyyid Ferîd İbrâhim Efendilerin birâderidir.
Amasya ulemâsından tahsîl-i ulûm ederek İstanbul’a gitdi. Orada bâ-imtihân silk-i kudâta girip niyâbet ü kazâ ile hayli bilâdı devr etdi. 1231’de Üsküb kazâsından munfasılan İstanbul’da görüldü. 1233 senesi evâsıtında vefât etdi. Kibâr-ı kudâtdan idi. [224]