Amasyalıdır. Sultân Bâyezîd evkâfı kâtibi es-Seyyid [151] el-Hâc Hüseyin Efendi bin es-Seyyid el-Hâc Abdullah Efendi bin el-Hâc Osmân Efendi’nin mahdûmudur. Gençliğinde yazıya mâ’il olup amcası es-Seyyid Hâfız Ahmed Kâmilî ve Ma’denüzcuzâde es-Seyyid el-Hâc Halîl Zühdü Efendilerden hayli zamân temeşşuk etdi.
Ba’dehû İstanbul’a gidip esâtize-i hatdan temeşşuk ederek hutût-ı muhtelifede ve hâssaten nesihte kesb-i mahâret etdi. Ba’dehû dîvân kalemine mülâzemet edib hulefâdan oldu. 1268’de vefât etdi. Hattât-ı meşhûr idi.