Amasyalıdır. Beytülmâl emîni el-Hâc Bünyâd Çelebi bin Mustafa Efendi bin Alî Çelebi bin eş-Şeyh Abdülğanî Efendi bin Mevlânâ Bünyâd Efendi bin Mevlânâ Mehmed Çelebi bin İvaz bin Mûsâ bin Murâd bin Osmân mahdûmudur.
Amasya’da ulemâ-yı asrından tahsîl-i ilm ü kemâl edib ders-i âm ve müderris oldu. Ba’dehû Sultâniyye-i Merzifon müderrisliğinden Zile kadısı olup sonra devr-i kasabât ederek 1061 ve 1065’de iki defa Amasya kadısı oldu.
Ba’dehû terakkî görüb ber-vech-i mevleviyyet Erzurum, Tokat, Sivas kadısı oldu. 1085’de tekâ’üd vechile Kameriyye-i Tokat müderrisi olduğu hâlde 1088’de dâr-ı bekâya rihlet etdi. Meşâhîr-i ulemâ ve kudâttan bir zât-ı sütûde-simât idi. Mahdûmu Mehmed Efendi de nüvvâbdan idi.