Amasyalıdır. Hamza Beyzâde el-Hâc Ahmed Ağa’nın mahdûmudur. 1127’de zümre-i bevvâbân-ı pâdişâhîye girib on beşinci bölüğe kayd edildi. Künyesi Defter-i Bevvâbîn-i Sultânî’de “Hamza Ahmed Amâsiyye 1127” görüldü.[ 270]
Ba’dehû tedrîcen terakkî ederek kapıcılar kethüdâsı ve 1153’de dergâh-ı âlî kapıcı-başılarından, 1154’de cizye baş-bâki kulu oldu. Bade’l-azl bilâd-ı mühimmeyi hidemât ile devr ederek 1170’de Hicâz’a gitdi.
Avdetde 1171’de Amasya’ya gelip sonra vefât etdi. Oğulları el-Hâc Ahmed, Ali Ağalar olup ammizâdesi hattât-ı meşhûr Hamza Beyzâde el-Hâc Abdullah Hulûsî Efendi’dir. Hacı Ali Ağazâde el-Hâc Ahmed 1256’da ber-hayât idi.