Amasya a’yânından el-Hâc Kasım Bey bin el-Hâc Hamza Bey bin Ahmed Bey’in mahdûmudur. Hacı Hamza Bey Mahallesi’nde doğub büyüdü. Pederinin vefâtında ceddînin vakfına mütevellî olup 918’de Şehzâde Sultân Ahmed’e muâvenet-i mâliyyede bulunduğundan dolayı menkûb oldu.
921’de Sultân Selîm-i Evvel tarafından afv edilib Şehzâde-i müşârün-ileyhe ikrâz eylediği mebâliğ-i azîme te’diye edilerek belâdan kurtarıldı. Ba’dehû a’yânı memleketden olup 945 sâlinden sonra vefât etdi. Mahdûmu Mehmed Çelebi’dir.[258]