Amasyalıdır. Mehmed Çelebi mahdûmudur. Ulemâdan tahsîl-i ulûm edib tab’ına tasavvuf galebe etdiğinden kibâr-ı meşâyîhden Habîb-i Karamânî Hazretleri’nin hizmetine mülâzemet ve tekemmül-i sülûk ederek ahz-ı hilâfet etdi.
Ba’dehû İçeri şehirde Ahî Sadeddîn Tekkesi şeyhi olup yıllarca irşâd-ı halk ile ve Köprübaşı’nda bulunan el-Hâc Kutluşâh Mescidi’nde vaaz ü tezkîr ile imrâr-ı hayât edib 923 senesi evâilinde intikâl-i dâr-ı mükâfât etdi. Kurtboğan Türbesi civârında medfûndur. Âlim, müttakî, müteşerri’, vâiz, zâhid-i meşhûr idi. Hulefâsı çokdu.[257]