Amasyalıdır. Ümerâdan Aydın Beyzâde Alî Bey’in mahdûmudur. Sultâniyye-i Merzifon müderrisi Seydî Ahmed Kırımî’den tahsîl-i ulûm edib Amasya’da ders-i âm oldu. Te’ehhül edib tedrîs-i ulûm etdiği esnâda 870 hudûdunda vefât eyledi. Âlim, sâlih [316] zekî bir zât idi.
Mahdûmu Mahmûd Çelebi pek küçük ve zevcesi de genç olduğundan bu esnâda Torumtay müderrisi olarak Amasya’ya nakl-i ikâmet eden üstâdı Seydî Ahmed Kırımî zevce-i metrûkesini tezevvüç edib mahdûmunu himâyesi altına aldı. Bu Mahmûd Çelebi, mu’ahharan Emîr Buharî dâmâdı ve halîfesi olan eş- Şeyh Mahmûd Çelebi’dir.