Abdurrahmân bin Ebîbekr et-Tebrîzî mahdûmudur. Mâverâü’n-nehr’e gidip oranın fuzalâsından tahsîl-i ulûm etdi. Ba’dehû Tâceddîn Ebû Nasr Mehmed el-Keşânî’den telemmüz edib onunla beraber Anadolu’ya gelip Amasya’da yerleşti. Tedrîs-i ulûma himmet edib Evhadeddîn Mahmûd el- Kımârî Amasya kâdı’l-kudâtı oldukta medrese-i Gıyâsiyye müderrisi oldu.
Müddet-i medîde tedrîs ile iştigâl edib kazâdan tezehhüd ederek neşr-i ma’ârife himmet eyledi. Baba İshâk Kefersûdî vak’asında ihtifâ edib 637’de Konya’ya firâr eyledi. Orada birkaç yıl kaldı. 641’de avdet edib 643’de vefât etdi. Kibâr-ı ulemâdan zâhid, vâ’iz, fâzıl bir imâm idi. [307]
Mahdûmu Amasya kâdı’l-kudâtı Celâleddîn Abdülvehhâb el-Amasî ve bunun mahdûmu Mevlânâ Emînüddîn Mehmed Çelebi’dir.