Amasyalıdır. Meşâyih-i Nakşîbendiyyeden es-Seyyid eş-Şeyh Abdullah Efendi’nin mahdûmudur. Allâme Şeyhzâde es-Seyyid el-Hâc Abdullah Vecîh Efendi’nin halka-i tedrîsinde iktisâb-ı ilm ü kemâl edib ders-i âm ve Yâkût Paşa câmi-i şerîfine imâm oldu. [70]
Bu esnâda Çevikçe tekyesi şeyhi Sinânî Hasan Efendi’nin sohbet-i aliyyesinde tekmîl-i sülûk ederek Yâkût Paşa zâviyesi şeyhi ve câmii vâ’izi oldu. Terk-i tedrîs edib tezkîr u irşâd ile iştigâl ederek 1223’de dâr-ı na’îme irtihâl etdi.
Âlim, vâ’iz, halûk, sâkin, şi’r u inşâda kâdir bir şeyh idi. Mahdûmu es-Seyyid Mehmed Efendi câmi-i mezbûr imâmı olup 1246’da vefât etdi. Bunun mahdûmu es-Seyyid Ebûbekir Sıdkî Efendi de yerine imâm olup 1290’da fevt oldu.