Amasyalıdır. Sultân Bâyezîd evkâfı kâtibi Mahmûd Çelebi [78] bin Pîr Ahmed Çelebi bin Hacı Enbiyâ Çelebi mahdûmudur. Gençliğinde tahsîl-i ma’ârif edib pederinin yerine evkâf kâtibi olmuştu. Ba’dehû Amasya vâlîsi Şehzâde Mustafa’nın dîvân kâtibi ve şi’r u inşâsıyla letâfet-i tab’ıyla kendisini sevdirip nedîm ü musâhibi oldu.
960 senesi şevvâlinde şehzâde-i müşârün-ileyhin i’dâmı üzerine Amasya’da menkûbâne bir müddet oturdu. Ba’dehû bir ze’âmet verilip onunla te’mîn-i mâ’îşet ederek 967’de vefât etdi. Şâ’ir, kâtib, latîf idi.