Merzifon halkından Savcı oğludur. Amasya’da bir müddet tahsîl-i ulûm etdikden sonra Erzincan’a gidip meşâhîr-i fuzalâdan Mevlânâ Necmeddîn Zekeriya bin Ömer el-Kayserî dersine mülâzemet ve ikmâl ederek icâzetnâme aldı.
Fatih Kütüphânesinde “Hidâye” kitâbının sonunda icâzetnâmesi şöyledir:
لما ثبتأهلية اإلمامأفضل العلماء منبع الفضائل شرف الملة والدين يعقوب بن المرحوم ساوجى أجزت له أن يدرس ويفيد و يفتى لمن يستفيد و يستفتي على مذهب اإلمام األعظم أبى حنيفة وأنا العبد الفقير اليه تعالى زكريا بن الحاج عمر بن
الحاج محمود القيصري المتوطن بأرزنجان ¹²⁵
Ba’dehû vatanına avdet edib tedrîs-i ulûm ederek iştihâr etdi. Bir müddet Merzifon’da müderris ve müftü, kadı olup Hacı Şâdgeldi zamanında kâdı-ı Merzifon görüldü. 793 sâlinden sonra vefât etdi. Meşâhîr-i ulemâ ve kudât-ı sütûde-simâtdan idi. Birâderi Mevlânâ eş-Şeyh Hasan bin Savcı el- Merzifonî Niksar ulemâsındandır.