Amasya Dârüşşifâsı etibbâsından cerrâh-ı meşhûr [124] Hacı Mustafa Efendi’nin mahdûmudur. Cerrâhzâdelikle meşhûr olup “Hekîm Çelebi” denirdi. Amasya’da Kadızâde Küçük Mehmed Efendi’nin halka-i tedrîsinde tahsîl-i ilim etdi. Pederinden tabâbet ve fenn-i cerrâhîyi ahz ederek pederinin vefâtında yerine kâim oldu.
Amasya’da yıllarca icrâ-yı tabâbet edib Dârüşşifâ tabîbliğinde iştihâr etdi. Kırk yıldan ziyâde Dârüşşifâ tabîbi olarak Tımârhâne şeyhi meşâhîr-i sulehâdan eş-Şeyh Salih Efendi ile beraber çalıştı. Bu zât enfâs-ı kudsiyesi ile sâhib-i terceme muâlecât-i fenniyyesiyle hastaları tedâvî etdi. 1072’de vefât eyledi. Âlim, hekîm, mâhir, edîb, şâir, kerîm bir zât idi.