Lâdiklidir. Rifâ’î tekkesi şeyhi es-Seyyid Mustafa Efendi mahdûmudur. Oranın müftüsü fâzıl-ı meşhûr el-Hâc Mustafa Efendi’den tahsîl-i ulûm edib ders-i âm ve Hızır Paşa müderrisi [30] ve bir aralık Lâdik müftüsü ve a’yânı oldu.
Servet ü sehâsıyla iştihâr edib 1208’de beş bin kuruş nakdiyle emlâkin vakf edib Tekke mahallesinde Yukarı Mescide ve imâmına vezâ’if ta’yîn etdi. Eczâ-yı şerîfe vaz’ edib rûhuna hatm-i şerîf tilâvetini şart ve cüz’-hânlara vazîfeler tahsîs eyledi. Ba’dehû fevt oldu. Âlim, sâlih, müdebbir, hânedân bir seyyid-i zî-şân idi.