Amasyalıdır. Cemâleddîn İbrâhim Aksarâyî neslinden Kemaleddîn Ahmed Çelebi bin Mehmed Çelebi mahdûmudur. Sultâniyye-i Merzifon müderrisi Mevlânâ Seydî Ahmed Kırımî, Amasya müderrisi Mevlânâ Şemseddîn Ahmed Cendî gibi fuzalâdan ikmâl-i tahsîl edib ders-i âm ve müderris-i be-nâm oldu.
Ba’dehû meslek-i kudâta girip devr-i bilâd etdi. İki defa kâdî-i Sivas olup Amasya niyâbetinde bulundu. 905 sâlinden sonra vefât etdi. Kibâr-ı ulemâdan kâmil bir zât idi. Mahdûmu Abdülbâkî Efendi ve hafîdi Kemaleddîn Ahmed Efendi de ulemâdandır. Birâderi İstanbul kadısı Kıvâmeddîn Kâsım Çelebi ve diğer birâderi Şeyhülislâm Zenbilli Alî Çelebi’dir.