Lâdiklidir. Es-Seyyid Ali Efendi mahdûmu olup pederinin irtihâlinde Pervâne Bey Malikânesi mutasarrıfı olarak ders-i âm oldu. Sultân Mehmed Hân-ı Râbi câmi-i şerîfinde tedrîs ve tezkîre mülâzemet ederek 1207’de vefât etdi. Ulemâdan şâir, mütekellim bir zât idi.
Mahdûmları es-Seyyid Ali, Hüseyin, Mehmed, Emrullah Efendiler [244] malikâne mutasarrıfı oldular. Bunlardan es-Seyyid Mehmed Efendi 1222’de ve es-Seyyid Hüseyin Efendi 1223’te ve bunun mahdûmu es-Seyyid Mehmed Çelebi 1224’de vefât edib es-Seyyid Ali Efendizâde es-Seyyid Süleyman Efendi ile es-Seyyid Emrullah Efendizâde es-Seyyid Hüseyin Abdülkerîm Efendiler mutasarrıf-ı mâlikâne oldular.