Amasya’da medresesi olan Atabeg Nasıreddîn Ahmed Beyzâde Emîr Hayreddîn Hızır Bey’in mahdûmu olup Atabegoğlu, “Veled-i Atabeg” demekle meşhûrdur. Amasya hükümdârı el-Hâc Şâdgeldi Paşa bin el-Hâc Kutluşâh ümerâsından ve ceddi evkâfı mütevellîsi oldu.
788’de Sultân Murâd Hüdavendigâr’a arz-ı inkiyâd ve biât ederek müşârün-ileyhin ümerâsından oldu. Rûmeli muhârebâtında isbât-ı vücûd edib 804’de Timur muhârebesinde vefât etdi. Ümerâ-yı meşhûreden idi. Mahdûmu Şemseddîn Ahmed Bey ve birâderi İlyas Bey’dir. Hacı İlyas Beyzâde Hamza Bey’de bu muhârebede gâib oldu.