Amasyalı Hacı Beyzâde Mehmed Paşa’nın kölesi olup âzâd edildiğinde zümre-i silâhdârânın yetmiş üçüncü bölüğüne kayd edildi. Tedrîcen terakkî ederek eşkiyâ harbinde hidemât-ı Sâdıkânesi görüldü. 1023 cumâdelâhiresinde Hoca Sultân evkâfı tevliyetini zabt ederek nüfûz ve itibârını gösterdi. [263]
1025 senesi muharreminde tevliyet-i mezbûre uhdesinden ref’ edilib Bağdad harbine me’mûr oldu. Lâdikli Vezîr Mustafa Paşa’nın ma’iyyetinde hayli zaman kaldı. Müşârün-ileyhin şehâdetinde avdet edib 1032’de Abaza Mehmed Paşa’ya karşı harb ederek mîr-livâ oldu. 1038’de Bağdad harbinde vefât etdi. Mahdûmu Ebû Bekir Ağa’dır.
Diğer züamâdan Hamza Bey bin Ali Bey 1048 Bağdad muhârebesinde şecâatle nâmdâr olup 1051 hudûdunda vefât etdi. Bâlâda tercemesi yazılan Çavuş-başı Hamza Ağa’nın hafîdi zann olunur.