Köprülüdür. Kudâtdan es-Seyyid Ali Efendi’nin mahdûmudur. Köprü’de mukaddimât-ı ulûmu görüb Amasya’ya geldi. Burada Suruklu Hâfız el-Hâc Ali Efendi’den ikmâl-i tahsîl edib avdetle mahkeme-i şer’iyye kâtibi oldu.
Bir müddet azl edilib tedrîs-i ûlum ederek iâde-i ikbâl etdi. Üstâdının Amasya müftülüğü zamanında sânîyen mahkeme kâtibi olup nüfûz ve ikbâli arttı. 1219’da yine azl edilib hânesinde menkûbâne ikâmet ederken 1228’de sâlisen mahkeme kâtibi olup 1231’de vefât etdi. Ulemâdan nâfizü’l-kelim bir kâtib idi.