Amasyalıdır. Emîr Sâlih Bey bin Şerefeddîn Osmân Paşa bin es-Seyyid Sâlih Çelebi bin sâhibü’l-hâl es-Seyyid Ahmed-i kebîr er-Rifaî mahdûmudur. Amasya’da hükümdâr iken Çelebi Sultân Mehmed Hân’ın erkân-ı devletinden olup Bursa’nın Çelebi Sultân nâmına istîlâsında hizmet etdi.
Bundan dolayı beylerbeyi olup müşârün-ileyhin müstakillen taht-ı saltanata cülûsundan sonra Bâyezîd Paşa’nın sadâretinde Edirne’ye celb edilib müşâvirân-ı saltanat i’dâdına girdi. Ancak 829’da Rûmeli vak’asında Sultân Murâd’ı gücendirdiğinden Amasya’ya gönderildi.
Amasya’da mükerremen yıllarca yaşadı. 840’da tanzîm edilen Yörgüç Paşa Vakfiyesi’ne şâhid görüldü. “Hatîb Paşa bin Sâlih” diye imzâsı birkaç vakfiye zîrinde görülüb 842’de vefât etdiği zann olunur. Ricâl-i Osmâniye kibârından bir zât-ı sütûde-simât olup ceddi Osmân Paşa Hacı Şâdgeldi Padişah’ın [394] vezîri ve eniştesiydi.