Köprülüdür. Köprü kasabasından Yûsuf oğludur. İstanbul’da tahsîl-i ulûm edib ders-i âm olduğu esnâda Bursa’nın âb ü havası tab’ına hoş geldiğinden oraya gidip tavattun ve tedrîs-i ulûma muvâzabet etdi.
Yıllarca ders-i âm olduğu esnâda Bursa medâris-i mu’tadesini devrederek Sultânîye müderrisi ve 1123’de Bursa müftüsü oldu. 1125’de ma’zûl ve 1126’da sânîyen Bursa müftüsü olup 1128’de vefât etdi. Kibâr-ı ulemâdan, fâzıl, müteşerri’ bir zât idi. Bu tercemesi “Vezâif defteri”nden anlaşıldı.