Köprülüdür. Köprülüzâde Fâzıl Ahmed Paşa’nın dedesi olan el-Hâc Yûsuf Ağazâde el-Hâc Mustafa Ağa’nın mahdûmudur. Meşâhîr-i a’yândan olup Köprü Kazâsında hayli müddet voyvada olarak nüfûz ve servet kazandı. 1106’da Sivas, Amasya, Divriği ve Arabgir sancâklarının hazinedârı oldu.
1107’de gayr-ez teslimât 342.512 akce zimmeti zuhûr etdiğinden kefîli olan Uzun Yenli Ahmed Ağa’dan tahsîli esnasında İstanbul’a gidip zimmet-i mezkûresini teslim ederek kefîlini belâdan kurtardı. 1109’da Amcazâde Hüseyin Paşa’nın sadâretinde kapıcılar kethüdâsı olarak teayyün etdi. [93]
1114 senesi rebîülevvelinde isti’fâ eden sadr-ı müşarün ileyhin irtihâlinde etbâı habs ve müsâdere edildiği esnâda bu da habs edilib servet-i azîmesi müsâdere edildikden sonra Köprü’ye gönderildi. 1118’de vefât etdi. Mahdûmları Mehmed, Mustafa Ağalar ve dâmâdı Birâderzâde Ahmed Ağa bin Küçük Ali Ağa’dır.