Merzifonludur. Sadr-ı esbak Çalık el-Hâc Ali Paşa bin Mehmed Ağa’nın mahdûmudur. Merzifon’da doğdu. Ba’dehû pederi Merzifonî Kara Mustafa Paşa’nın vezâretinde kethüdâsı oldukda İstanbul’a gidip orada tahsîl-i ulûm ederek ders-i âm oldu.
Ba’dehû İstanbul müderrisi olup esnâ-yı tedrîsinde devr-i medâris-i mu’tade ederek Dârülhadîs-i Süleymaniye müderrisliğinden de Şam mollası [97] oldu. Bir yıl olan müddet-i örfiyyesini ikmâl ederek avdet edib 1125’de dâr-ı bekâya rihlet eyledi. Âlim, asîl, âlî cenâb idi.
Amasya a’yânından Mihmanzâde Hüseyin Ağa ile Kelekcizâde Çeri-başı Hüseyin Ağa da Meclis-i a’yân azâsındân olup 1126 sâlinden sonra vefât etmişlerdir. Mihmanzâde Hüseyin Ağa’nın mahdûmu el-Hâc Ali Ağa’dır.