Çorumludur. Abdullah mahdûmu olup esbak Amasya müftüsü Çorumlu es-Seyyid el-Hâc Hâfız Mehmed Efendi’nin halka-ı tedrîsinde ikmâl-i tahsîl edib ders-i âm ve İbâdullah Câmii şerîfine imâm oldu. Yıllarca tedrîs-i ulûm ederek iştihâr edib meclis-i a’yâna âzâ olduğu halde 1161 hudûdunda vefât etdi. Eşrâf-ı ulemâdan ve huffâzdan olup sâlih, sesi güzel, nüfûz ve i’tibâra mâlik idi. Mahdûmu es-Seyyid el-Hâc Mahmûd Efendi yerini tutdu.