Köprülüdür. Ali’nin mahdûmu olup Amasya’da Çorumlu es-Seyyid el-Hâc Hâfız Mehmed ve Kayyımzâde el-Hâc İsmail Efendilerden vesâir ulemâdan ikmâl-i tahsîl edib Köprü’de ders-i âm oldu. Yıllarca tedrîs-i ulûm ederek Abdülkerîm Ağa müderrisi oldu.
1153 senesinden itibâren bir kaç defa müftü olup on beş yıl kadar Köprü’de müftülük ederek fevkalâde iştihâr ve 1171 senesi evâhirinde azm-i dâri’l-karar etdi. Gâyet fakîh, mute’abbid, tefsîr ve hadîsde mâhir, âlim, vâ’iz, darb-ı nutka kâdir, hazır-cevâb bir zât-ı sütûde-simât idi.