Köprülüdür. Ahmed’in mahdûmu olup Amasya’da Taşabâdî el-Hâc Ahmed, Çorumlu es-Seyyid el-Hâc Ali Efendilerden vesâir ulemâdan ikmâl-i tahsîl ederek avdetle Gümüş Kasabası’nda ve 1159’da Halîl Paşa müderrisi oldu.
Ba’dehû Halvetiyye meşâyihinden tekmîl-i sülûk ederek hulefâ-ı Halvetiyyeden oldu. Bir taraftan tedrîs-i ulûm, diğer taraftan zikr ve irşâd-ı halk ile iştigâl ederek [113] halkın ve eşrâfın teveccühâtını kazanıb Gümüş müftüsü de oldu. 1174 senesi muharreminin yirmi beşinci günü dâr-ı naîme irtihâl etdi. Âlim, fakîh, vâ’iz, âbid, müttaki, zâhid bir zât-ı şerîf idi. Mahdûmu eş-Şeyh Osmân Efendi’dir.