Köprülüdür. Köprü’nün Mahmûdlu-Mahmadlı Karyesinin imâmı Şa’bân Efendi bin Hüseyin mahdûmudur. 1264’de mezkûr köyde doğdu. Köprü’de neş’et edib mukaddimât-ı ulûmu İğnecizâde Mehmed Raşid Efendi’den gördü. Bâ’dehû Çorum’a gidip Türkmen Mustafa Efendi’den bir müddet okudu. 1291’de Amasya’ya gelip fuzalâdan Şirvânî el-Hâc Mustafa Efendi’den ikmâl-i tahsîle çalıştı.
1298’de müşârün-ileyhin irtihâline binâen Şirvânî Hacı İsa Efendi’den ikmâl-i tahsîl ederek 1300’de mücâz olup Köprü’ye geldi. [166] Orada tedrîs-i ulûma mübâşeret ederek yıllarca ders-i âm olup iki defa icâzet verdi. Fakat hiyel-i şer’iyyeye pek ziyâde i’tinâsı olduğundan 1323’de habs ü tevkîf ile muâheze gördü. Bâ’dehû istihsâl-i berâet edib 1331’de vefât etdi. Âlim, fakîh, sabûr bir zât idi. Mahdûmu Sadeddîn Efendi ve birâderi el-Hâc Yûsuf Efendi’dir. Bunun mahdûmu Abdurrahman Nâfiz Efendi baş-muallimdir.