Amasyalıdır. Ümerâdan Yahşi Bey bin İsa Bey’in mahdûmu ve sadr-ı esbak Bâyezîd Paşa ile İsa Bey’in birâderidir.
Amasya emîr-i kebîri Şâdgeldi Paşazâde Devatdâr Ahmed Paşa’nın zamanında züamâdan oldu.
Bâ’dehû Yıldırım Sultân Bâyezîd’e intisâb ederek bevvâb-ı sultânî iken Timur harbinde fedakârane sa’y ü gayreti Çelebi Sultân Mehmed Hân tarafından takdîr edilerek ümerâdan oldu. Bâ’dehû Gözleroğlunu harben bozub Tokat Sancağı’nı istilâdan kurtardığı cihetle Tokat Sancağı beyi oldu.
Orada yıllarca emâret edib 814’de âlî bir medrese [167] yapdırdı. Orada edindiği emlâkını bu medresenin mesâlihine vakf edib 816 sâlinden sonra vefât etdi. Şecî, sâhib-i hayr ve hasenât bir emîr-i nâm-dâr idi.