Esbak Amasya mütesellimi Sefer Ağa bin Hasan Ağa’nın oğludur. Sipâhî olup Amasyalı Ahmed Paşa’nın kethüdâsı olan Bayburtlu Ahmed Ağa’nın kızıyla evlendi. Ba’dehû Amasya kethüdâ-yeri ve mükerreren Amasya mütesellimi, sonra İstanbul’a gidip kaynı Kara İbrâhim Paşa’nın vezâretinde kethüdâsı oldu.

1088’de dergâh-ı âlî kapıcıbaşlarından olup kaynının sadâretinde Sipâhîler ağası, ba’dehû baş-bâkî kulu ve 1097 recebinde surre-i hümâyûn emîni olarak Hicâz’a gitdi. Avdetinde tekâ’üd edilip 1101’de vefât etdi. Mahdûmları vüzerâdan Elçi Mehmed Paşa ve hâcegândan Mustafa Efendi ile dergâh-ı âlî kapıcılarından Hasan Ağa’dır. Bunlara “Yeğen” dendi.