Amasyalıdır. Hacı Bayram bin Osmân Bey’in mahdûmu olup gençliğinde sipâhî olmuştu. Merzîfonî Kara Mustafa Paşa’nın dâ’iresine intisâb ederek 1093’de küçük mîrahûr oldu. 1095 muharreminde [163] azledilip, kapıcıbaşı oldu.
1097’de gümrük emîni, 1099 şevvâlinin on beşinde yeni ihdâs edilen hamr (müskirât) emîni olmuştu. 1100’de bu vazîfesinden afvını niyâz ederek Bozoklu Mustafa Paşa’nın kethüdâsı ve 1104 recebinin yedisinde Paşası sadr-ı a’zam oldukda kethüdâ-yı sadr-ı âlî ve yirmi altısında vezîr-i sânî oldu.
1104 senesi zilka’desinin ikinci günü sadr-ı a’zam serdâr olarak Belgrad’a müteveccihen hareket ettikde kâ’im-makâm-ı sadr-ı âlî olup rikâb-ı hümâyûnda kaldı. 1105 senesi rebîülâhirinin on dokuzuncu günü Edirne’de vefât etdi. Üç Şerefeli Câmii sâhasında medfûndur. Müdebbir bir zât idi.