Amasyalıdır. Molla Bahşîzâde eş-Şeyh Ya’kûb Efendi’nin mahdûmudur. 930’da doğdu. Pederinden ve Müfessir Ahmed Efendi’den tahsîl-i ulûm edib ders-i âm ve müderris-i be-nâm oldu. Ba’dehû Ayâs Ağa müderrisi olup 991’de Mehmed Paşa müderrisi oldu.
Bu esnâda Hicâz’a gidip avdette müderrisliği terk edib Mehmed Paşa Câmii kürsî şeyhliği ile kanâ’at ve halktan uzlet ederek 1011’de Amasya’ya eşkiyânın hücûmu esnâsında vefât etdi. Kibâr-ı sulehâdan âlim, vâ’iz, fakîh idi. Mahdûmu Ahmed Efendi de ulemâdan idi. Diğer mahdûmu Nasûh Efendi’dir.