Amasyalıdır. Şeyhü’l-harem el-Hâc Sinan Efendizâde eş-Şeyh Ya’kûb Efendi’nin mahdûmudur. Kâdızâde Küçük Hâce Mehmed İlmî Efendi’den ikmâl-i tahsîl ederek ders-i âm oldu. Hayli müddet ifâde ve tedrîs ile iştigâl edib sonra Yörgüç Paşa Câmii kürsî şeyhi oldu.

Bu esnâda fuzalâ-yı Halvetiyyeden eş-Şeyh Hüsâmeddîn Efendi hazretlerinin sohbet-i şerîfesinde tekmîl-i sülûk ederek müşârün-ileyhin hulefâsından oldu. Hüsn-i hâline binâ’en Sultân Bâyezîd Câmii imâmı olup 1068 senesi zilka’desinde vefât etdi. Âlim, kâmil, hâfız-ı Kur’ân, vâ’iz bir zât-ı sütûde-simât idi. Mahdûmu Nasûh Efendi yerine Sultân Bâyezîd imâmı oldu.