Amasyalıdır. Hamza Bey bin Âsâyîş Bey bin Îsâ Bey’in mahdûmu ve Bâyezîd Paşa’nın hemşîrezâdesidir. Pederi 804’de Timur harbinde vefât eylediğinden Bâyezîd Paşa’nın dâ’iresinde tefeyyüz ederek 816’da bevvâb-ı sultânî ve ba’dehû ser-bevvâbîn-i dergâh-ı âlî oldu. [417]
Dayısı Bâyezîd Paşa’nın sadâretinde ümerâdan olup sonra Silistre Beylerbeyi, 829 vak’asında ibrâz-ı sadâkat ü şecâ’at ederek Rûmeli Beylerbeyi oldu. 832’de azl edilip 835’de sânîyen Rûmeli Beylerbeyi ve 841’de vezîr-i sâlis oldu.
846’da Sultân Mehmed Hân-ı Sânî’nin birinci cülûsunda vezîr-i sânî olup 847’de Varna muhârebesinde şehîden vefât etdi. Meşâhîr-i vüzerâdan bir mücâhid ü serdâr-ı İslâm idi. Mahdûmları Ya’kûb, Mehmed Beylerdir. Ya’kûb Beyzâde Sinan Bey Amasya ümerâsından idi. Birâderi Dâvud Paşa’dır.