Amasya’nın Helkis Mahallesi imâmı Hâfız el-Hâc Mehmed Efendi bin Hâfız es-Seyyid el-Hâc Ahmed Efendi bin el-Hâc Hüseyin Efendi’nin mahdûmudur. İlm u kitâbet öğrendikten sonra pederinin vefâtında imâmeti büyük birâderi Hâfız Ahmed Efendi’ye bırakıp bezzâz esnâfından oldu.
Ba’dehû servet ü yesâra mâlik olup bezzâzlar kethüdâsı, meclis-i idâre a’zâsı oldu. Bu esnâda meşâyîh-i Nakşiyyeden eş-Şeyh Mansûr Efendi’ye mürîd ve halka-i zikrine müdâvim olup 1269’da vefât etdi. Ak Hasanzâde tekkesi bâğçesinde [54] şeyhinin yanında medfûndur.
Merhûm erkân-ı livâdan olup, kerîm, hânedân, dîndâr idi. Oğulları el-Hâc Mehmed Şükrü, İbrâhim Edhem Efendilerdir. Hacı Mehmed Şükrü Efendi de erkân-ı livâdan bir hânedân idi.