Amasya meşâyih-i kirâmından Mevlânâ Nasûh bin Mevlânâ İsrâfil el-Lâdikî mahdûmudur. Amasya ulemâsından tahsîl-i ulûm ederek ders-i âm ve müderris-i be-nâm olup Sultân Bâyezîd-i Sânî Amasya’da vâlî iken sarâyı gılmânına mu’allim nasb etdi. Tahta cülûsunda bilâd-ı cesîmeye kadı olup 896’da vefât eyledi. Meşâhîr-i ulemâ ve kudâttan idi. Oğulları İsmâîl, Mehmed, Mahmûd Çelebilerdir. Hafîdi Mevlânâ Fahreddîn Mehmed Efendi mevâlîden olup Şâm kazâsından ma’zûlen 943’de vefât etdi. [94]