Köprü kasabasına bir saat kadar yakın olan Meşe köyünden İbrâhim’in oğludur. Zûr u kuvveti sâyesinde fevkalâde iştihâr edib Abaza Hasan Paşa bunu elde ederek kuvvet bulmuşdu. [521]
Muahharan Köprülü Mehmed Paşa kendisine ibrâz-ı teveccüh ederek celb edib Abaza Paşa’nın aleyhinde istihdâm etdi. 1069’da Abaza Paşa’nın i’dâmında Türkman Ağası olup 1075’de eşkiyâdan Zor bölükbaşıyı derdest ve katl ederek şöhreti arttı.
Bu yüzden İstanbul’a celb edilip huzûr-ı hümâyûna çıkarıldı. Taltîf ve bir hil’ât ve iki kese nakd ihsân buyruldu. Türkman Ağalığı uhdesinde olduğu hâlde avdet edib 1078 hudûdunda vefât etdi. Gâyet şecî’ sâdık, gayûr idi.