Amasyalıdır. Kibâr-ı ulemâdan olup 1244’de vefât eden Mecdî Mustafa Efendi bin Hasan Kırımî mahdûmudur. Mukaddimât-ı ulûmu Amasya’da pederinden ve Payaslı el-Hâc Mehmed [276] Efendi’den görüp İstanbul’a gitdi. Orada fuzalâdan ders-i âm-ı meşhûr Çankırılı es-Seyyid Abdullah Efendi’den ve sâ’ir ulemâdan ikmâl-i tahsîl etdi.
1235 senesi ru’ûs imtihânında kazanıp ders-i âm ve 1238’de müderris olarak yıllarca Sultân Bâyezîd câmiinde tedrîs-i ulûm eyledi. Bu esnâda medâris-i mu’tâdeyi devr edib Süleymaniye müderrisi olduğu hâlde 1268’de vefât eyledi. Ulemâdan bir ders-i âm-ı meşhûr idi.