Amasyalıdır. “Memî Dede” demekle meşhûr eş-Şeyh Muhyiddîn [274] Mehmed Efendi’nin mahdûmudur. Ulemâdan tahsîl-i ulûm edib pederinin halîfesi olan Kutb Ahmed Efendi’nin sohbet-i aliyyesinde tekmîl-i tarîk ederek ders-i âm ve İbâdullâh câmii vâ’izi oldu.
1039’da kutb-i müşârün-ileyh eş-Şeyh Ahmed Efendi’nin irtihâli üzerine Hızır Paşa tekkesi şeyhi oldu. Ba’dehû Kâdızâde Küçük Mehmed Efendi’nin irtihâlinde Sultân Bâyezîd câmii kürsî şeyhi olup zikr ü tezkîr ile dem-güzâr iken 1049 senesi evâhirinde dâr-ı bekâya irtihâl etdi.Ulemâ-yı meşâyihden sâlih, müttakî bir zât idi. Mahdûmları İbrâhim Zâhid, İsmâ’îl Âbid Efendilerdir.