Köprülüdür. Sadr-ı a’zam Köprülüzâde Fâzıl Ahmed Paşa’nın dedesi Yûsuf Ağa mahdûmudur. Sipâhî meşâhîrinden olup Köprülü Mehmed Paşa’nın ma’iyyetinde bulunarak sadâretinde [421] ta’ayyün edib Köprü voyvodası oldu. Fakat ahvâl ü harekâtından dolayı azl edilip Köprülüzâde Fâzıl Ahmed Paşa’nın lütfu sâyesinde Amasya’da evkâf-ı Sultâniyye mütevellîsi oldu.
Ba’dehû İstanbul’a gidip, hemşîrezâdesi olan sadr-ı müşârün-ileyhin dâ’iresinde harem kethüdâsı ba’dehû sadâret kapıcılar kethüdâsı oldu. Fakat huşûnet-i tab’ı ba’zı ricâl-i devleti dil-gîr etdiğinden 1082’de tekâ’üde sevk edilip 1085’de vefât etdi. Mahdûmları el-Hâc Hüseyin Paşa ile Mehmed, Mustafa Ağalardır.