Amasyalıdır. Hâtuniyye Mahallesi eşrâfından 1058’de maktûl olan Ahmed Bey’in birâderi Sipâhî Mehmed Ağa’nın mahdûmudur. Pederinin mazlûmen i’dâmında sipâhîlik tîmârına mutasarrıf olup Köprülüzâde Fâzıl Ahmed Paşa’ya intisâb ederek dâ’iresi ağalarından oldu.
Mu’ahharan dergâh-ı âlî müteferrikalarından olup 1077’de Ahıska kal’asını ta’mîre me’mûren Ahıska ağası olarak gitdi. 1079 senesi şevvâlinde mazhar-ı terakkî olarak avdet edib silahdârân ocağı kethüdâsı ve 1087’de silâhdâr ağası oldu. [425]
Bundan akdem Amasya’da evkâf-ı Sultâniyye mütevellîsi olarak bir müddet ikâmet edib 1091’de sipâhîler ağası oldu. Sadr-ı a’zam Kara Mustafa Paşa’nın zamân-ı ikbâlinde nüfûz u i’tibârı olduğu hâlde 1094 senesi evâhirinde Viyana önünde vefât etdi. Ricâl-i askeriyyeden idi.