[466] Amasyalıdır. Dârü’s-Selâm Mahallesi imâmı olup 1108’de vefât eden Hüseyin Efendi’nin mahdûmudur. Pederinin hayâtında hıfz-ı Kur’ân edib Merzifonî Mustafa Efendi’den tahsîl-i ulûm etdiği esnâda pederinin vefâtıyla mahalle-i mezkûre mescidine imâm ve ba’dehû ikmâl-i tahsîl ederek ders-i âm oldu.
Yıllarca tedrîs ü imâmetle iştigâl edib 1138’de Çeri-başı câmii kürsî şeyhi ve bir yıl sonra Müftü medresesi müderrisi olup 1150 senesi saferinin sekizinde vefât etdi. Meşâhîr-i ulemâdan idi. Mahdûmu Hâfız Mustafa Efendi yerine imâm olup 1192’de vefât etdi. Bunun mahdûmu Hüseyin Efendi imâm olduysa da nâ-ehl olduğundan 1200’de imâmeti ref’ edildi.