Amasya’nın Köprü kazâsından Mehmed oğludur. Mukaddimât-ı ulûmu Köprü ve Amasya’da tahsîl etdikten sonra İstanbul’a gidip südûr-ı ulemâdan İmâmzâde Ahmed Es’ad Efendi’den ikmâl-i tahsîl ederek ders-i âm ve müderris oldu.
Sultân Fâtih câmi-i şerîfinde tedrîs-i ulûm etdiği esnâda medâris-i mu’tâdeyi devr ederek talebesine icâzet verdi. Sahn-ı Semâniye râddesinden Dârü’l-Hadîs-i Süleymaniyye müderrisliğine kadar terakkî etdiği hâlde 1295’de vefât etdi. Âlim, kâmil, fâzıl olup, meşâhîr-i ulemâ ve kibâr-ı müderrisînden idi.