Malatyalıdır. Malatya havâlîsinde meskûn Kürdlerden Mehmed bin Ebîbekr bin Ömer bin Yûsuf oğludur. 1254’de doğdu. 1271’de Amasya’ya gelip Hâcezâde İbrâhim Efendi’nin halka-i tedrîsinde ikmâl-i tahsîl ederek mücâz ve ders-i âm oldu.
Bir müddet ders okuttu. Talebesine icâzet verdikten sonra kûşe-i inzivâyı ihtiyâr ederek mütâla’a ve ibâdetle iştigâl etdiği hâlde 1308 senesi rebîülevvelinin yirmi beşinde vefât etdi. Sulehâ-yı ümmetten âlim, beşûş, sâkin bir zât idi.