Amasyalıdır. Ümerâdan Rüstem Bey bin Gonca Keyvân Bey’in mahdûmu ve Hızır Paşa’nın yeğenidir. Amcasının [371] dâiresinde perverde olup selâm ağası sonra harem kethüdâsı oldu. 1018’de müşârün-ileyhin irtihâlinde, mîr-livâ olup sancâklara gitdi.
Mazûlen Amasya’da olduğu esnâda Hızır ve Mehmed Paşaların evlâdı münkâriz ve kendisi Hızır Paşa’nın evlâd-ı utekâsından olduğu cihetle müşârün-ileyhimânın evkâfı tevliyeti uhdesine tevcihini iddia ederek mütevellî oldu. Birkaç yıl sonra 1048’de vefât etdi. Ümerâdan idi.