Kuyûd-ı vakfiyeden anlaşıldığı üzere Amasya fuzalâsından Fâzıl Yahya Efendi bin İbrâhim Kemâleddîn Efendi bin Mevlânâ Bahşî Halîfe’nin mahdûmudur. Hıfz-ı Kur’ân etdikden sonra pederinden tahsîl-i ulûm edib ceddînin mescidi imâmı ve pederinin irtihâlinde vakfının mütevellîsi olduğu hâlde 1026 senesi rebîülâhirinde vefât etdi. Ulemâ ve sulehâdan idi. İmâmet ve tevliyet ammizâdesi olan Mehmed Paşa Tekkesi şeyhi Mevlânâ eş-Şeyh Ya’kûb Efendi’ye verildi.